Avon che nus investein per Vus ils daners discurin nus detagliadamein da finamiras, eventualas rescas e schanzas da rendita realisticas. La facultad da vaglias vegn repartgida en differentas categorias da resca. Mo sche l’alingiaziun a liunga vesta d’in deposit va a prau cugl investur, sesenta el bein ed ha era en schliats temps ella buorsa neginas notgs libras. Cu nus havein anflau la structura da deposit ideala ei nossa finamira in’aulta rendita netta cun ina resca optimada.

Mintga investur ha in basegn individual suenter segirtad. Per contonscher ina rendita ch’ei pli aulta ch’il tscheins senza resca ston ins denton dispet prender en cumpra fluctuaziuns ella valeta dil portfolio. Tier la controlla dalla resca ei nossa finamira principala d’eliminar la resca nunsistematica. Finamira ei da reparter la resca aschi favoreivel sco pusseivel sin pusseivladads d’investiziun cun differentas qualitads.

Ellas buorsas mundialas anflan experts en certas categorias adina puspei pusseivladads d’investizun ch’empermettan bia. Aschia dat ei per exempel singuls managers da fonds che contonschan cun lur strategia dapi onns ina megliera rendita ch’il marcau general. Disavantatg da talas sligiaziuns finanzialas ein las claramein pli aultas taxas che tier strategias passivas. Plinavon resta la malsegirtad sche la surrendita planisada vegn contonschida el futur. Nossa devisa tier talas investizuns ei la suandonta: investar cunscientamein ina part fixa dalla facultad en products veramein activs e cheutras trer a nez sistematicamein las schanzas sin ina outperformance.