Realisaziun da nossa filosofia

Nus dividin la facultad en in center e differents satellits. La finamira dil center ei ina diversificaziun effizienta. Ils satellits duein tenor strategia far ora denter 10 e 40 pertschien dil portfolio e permetter ina aulta rendita.

Bia products activs ein concipi sco products dil marketing da bancas ed instituts da finanzas ed ein savens buca transparents pertuccont taxas. Il client paga lu aultas taxas per in product ch’ei en verdad fetg semeglionts a products passivs.

 

Purschiders da products passivs ston calcular cun ina pintga marscha pervia dalla buna transparenza ed il squetsch da concurrenza quei che reducescha las taxas per tochen 80 pertschien ed aulza cheutras la rendita netta. Taxas zuppadas ein buca pusseivlas ed igl effect da diversificaziun ei savens pli aults che tier fonds activs. Dapi entgins onns han era clients privats la pusseivladad dad investar en tals products passivs sco quei che las cassas da pensiun fan gia dapi biars onns.

En marcaus efficients sco il marcau dad obligaziuns eis ei strusch pusseivel dad alzar la rendita cun influenza activa. En entginas categorias dad investiziun eis ei denton realistic da megliurar la rendita cun ina enconuschientscha fundada -  fetg savens setracta ei da marcaus da nischas ni stils dad investar extraordinaris sco il „value-investing“.    

 

Nossa clientella profitescha dad ina transposiziun consequenta dalla disposiziun „center e satellit“ cun ina diversificaziun fetg aulta e cuosts efficients senza desister da pusseivladads dad ina aulta rendita en cumparegliaziun cul marcau dad aczias ed obligaziuns.