Per mintgin la structura da vaglias adattada
Mintga investur ha finamiras individualas. En giuvens onns stat ina construcziun da facultad a liunga vesta davontier. Suenter la pensiun ei l’intenziun da mantener la facultad ni da consumar cunscientamein tala. Il pli impurtont ei che las vaglias ein adattadas als basegns individuals. Plinavon ston ellas esser adattadas all’ulteriura facultad ed alla situaziun da taglia actuala. Cun las suandontas damondas duessen investurs s’occupar da temps en temps:
- Acceptan ins memia grondas rescas cun las vaglias? Co san ins eventualmein reducir la resca?
- Tgei pusseivladads dat ei a liunga vesta d’augmentar la rendita tenor taglias e taxas?
- Tgei taxas (zuppadas) dat ei e co san ins reducir ellas?
- Vegnan ils dretgs products finanzials duvrai ed ein las vaglias adattadas significativamein alla situaziun dalla facultad entira?
- Tgei pusseivladads dat ei da reducir il buordi da taglias sil deposit?
- Tgei sto vegnir risguardau tier la structura dil deposit priu il cass ch’ins less regenerar in’entrada regulara ord la facultad da vaglias?
Ina analisa independenta dil deposit
Ina analisa dallas vaglias duei tschentar en damonda la structura dil deposit, la tscharna da products e tetels, la diversificaziun, mo era la structura da cuosts e taxas. Nus analisein Vossas vaglias absolutamein ord vesta independenta dallas bancas e presentein detagliadamein pusseivladads da meglieraziun ed alternativas. Ina proposta concreta d’investiziun ed in plan da transposiziun muossan, tgei pass che ston vegnir introduci per contonscher las finamiras tschentadas.