Nies proceder ella cussegliaziun ei structuraus claramein e vegn adina adattaus alla situaziun individuala dil client.
Emprem dicuors gratuit
Gl’emprem discuors ei gratuits e nunobligonts. El survescha da tschaffar e sclarir la situaziun e las finamiras e sche bein ed en tgei fuorma ch’ina proxima cussegliaziun fa senn. Damondas generalas san gia vegnir sclaridas.
L’offerta
En in’offerta resumein nus gl’emprem discuors e Vossas damondas e finamiras. Suenter che Vus haveis obteniu tala, saveis Vus decider schebein ed en tgei extensiun Vus leis seschar cussegliar.
Cussegliaziun
Ella fasa da cussegliaziun elaborein nus la basa per rispunder a Vossas damondas e per realisar Vossas finamiras. Nus cumparegliein pliras variantas e mussein pusseivladads da meglieraziun concretas. Nossas recumandaziuns ein claras e capeivlas. Tuttas elaboraziuns vegnan fixadas a scret en ina documentaziun e vegnan declaradas a Vus detagliadamein en in ni plirs discuors. Alla fin dalla fasa da cussegliaziun saveis Vus tgei pass ch’ei d’interprender en tgei mument.
Transposiziun
Il meglier concept vala nuot sch’el vegn buca realisaus correctamein. La transposiziun sedistacca dalla cussegliaziun e sa tut tenor Vos basegns succeder sin differentas modas.