Daco che cussegliaders da finanzas ein darar independents
Mintga cussegliader da finanzas obtegn provisiuns da bancas e da purschiders da products sch’il client realisescha sias propostas. Quei ei era il cass sch’igl ei vegniu quintau in honorari per la cussegliaziun. L’altezia dils schinumnai kickbacks ei tut autra che unita: In product orientaus alla sviulta sa caschunar 10 gadas dapli bunificaziuns da provisiuns ch’in product pli favoreivel. L’economia da finanzas ei buca transparenta ed il client sa mai sch’il cussegliader propona ils products che fan il pli bia senn ni tals cun las pli lucrativas provisiuns.
Daco che nus essan independents
Nossa finanziaziun sebasa exclusivamein sin honoraris da cussegliaziun e d’assistenza. Nus dein vinavon 100% dallas provisiuns da vendita, retrocessiuns , kickbacks e rabats a nos clients. Sapientiv havein nus negins agens products da finanzas, sepresentein mai sco intermediaturs da products ed acceptein da principi neginas cunvegnientschas da vendita. Cheutras essan nus dil tuttafatg independents da bancas, segiradas ed auters purschiders da products.
Nus savein analisar e proponer products senza cunflicts d’interess. Per nus ein in process da selecziun ponderai e partenaris externs impurtonts.
Nus savein analisar e proponer products senza cunflicts d’interess. Per nus ein in process da selecziun ponderai e partenaris externs impurtonts.
Daco che nus essan pli transparents
Nus havein absolutamein nuot da zuppentar. Sin giavisch mussein nus a nos clients tut las deducziuns da provisiuns. Rabats marcadai cun nossas bancas da deposit tier courtage, taxas da gestiun da deposit ed autras fatschentas da banca dein nus directamein vinavon a nos clients. Controllai vegnin nus d’in uffeci da revisiun independent.
  |
Kickbacks.ch sur da provisiuns e retrocessiuns La pagina d’internet kickbacks.ch ei in project dalla VermögensPartner SA. Investurs privats san s’informar sempel ed a moda nuncumplicada da provisiuns ella cussegliaziun da finanzas.
|