Ella cussegliaziun sefinanziein nus sapientivamein mo dil honorari da cussegliaziun. Aschia havein nus la segirtad che mo Vos basegns quentan. Avon mintga cussegliaziun affirmein nus  cun nossa suttascripziun che Vus obtenis senza excepziun tut las provisiuns che nus havein retschiert.

Ell’administraziun dalla facultad bunifichein nus medemamein tut las provisiuns e retrocessiuns retschevidas a nos clients. Rabats che nus havein marcadau cun nossas bancas da deposit dein nus directamein a Vus. Vus profiteis aschia da fetg bunas taxas da transacziun e da deposit.

Tut las autras bunificaziuns scuntrein nus mintga quartal ensemen cun nossas taxas da cussegliaziun. Talas sereduceschan pia per la quantitad dallas retrocessiuns che nus havein retschiert. Cunquei che Vus pagheis tier pli aultas bunificaziuns pli pauc honorari d’administraziun, havein nus negin interess da products catschai da provisiuns. Il cuntrari: Els han bia gadas ina rendita sut la media e crodan savens gia baul ord nossa selecziun.