Finiastra romontscha

In cordial beinvegni tier la VermögensPartner SA

Nus essan buca mo cussegliaders da finanzas ed administraturs dalla facultad mobein era representants dils interess da nos clients enviers bancas e purschiders da products.

Sparter la cussegliaziun dalla vendita da products

Nossa suletta fontauna d’entradas ei il honorari da nos clients. Tuttas provisiuns da bancas e purschiders da products dein nus vinavon senza excepziun e per 100 procents a Vus. Aschia mein nus sapientivamein ord via a tuts cudezs finanzials e cheutras era als cunflicts d’interess che seresultan ordlunder. Cun nossa savida dil fatg essan nus aschia – semegliont ad in advocat – mo sin Vossa vart. Entras nies niev model da fatschenta eis ei per l’emprema gada era pusseivel ad investurs privats da retscheiver tut ils lucrativs kickbacks.

Planisaziun ed administraziun dalla facultad

Nossas cumpetenzas schain ella planisaziun dalla facultad, ella structuraziun dalla facultad ed ella administraziun dalla facultad per persunas privatas. Nus cussegliein extendiu ed entratscheu. Nus essan perschuadi che singulas mesiras pridas a moda separada meinan buc al success. L’organisaziun da tuts elements dil provediment e dalla facultad sto succeder sin liung temps ed esser coordinada.


Sche Vus leis profitar d’ina cussegliaziun cumprovabel independenta e senza vendita da products, fuss in discuors cun nus ina buna opziun. Bugen cusseglien nus nossa clientella era en lungatg romontsch.